Их аварга Асашёорюү Д.Дагвадорж зодог тайлах болсноо өчигдөр албан ёсоор мэдэгдсэн билээ. Монгол Улсын Хөдөлмөрийн баатар, Мэргэжлийн сумо бөхийн их аварга Долгорсүрэнгийн Дагвадорж өөрийн багш Такасаго ояката болон менежер Акихиро Ичимияа нарын хамт энэ тухайгаа Мэргэжлийн сумо бөхийн холбооны Удирдах зөвлөлийн гишүүдийн хурал эхлэхийн өмнө мэдэгдсэн юм. Энэхүү гэнэтийн мэдэгдлийн дараа буюу өчигдөр орой Монголын бусад сумочид их аварга Асашёорюү Д.Дагвадоржтой уулзжээ.